Ditemana tša Bibele tša go bolela ka Bophelo
- Morena o tla o sireletsa,
a o sireletse bobeng bohle,
a baballe bophelo ba hao.
Morena o tla o lebela
ha o eya le ha o kgutla,
ho tloha jwale le kamehla yohle. - Hlokomelang metsamao ya lona haholo; le se be dithoto, le mpe le be ba bohlale, le sebedise monyetla oo le o fumanang, hobane mehla ena e mebe.
- Jwalokaha motho
a ipona sefahleho ka metsing,
pelo ya motho
le yona ke seipone sa hae. - Re phela ka tumelo, e seng ka ho mmona.
- Sohle seo le se etsang, le se etse ka dipelo tsohle tsa lona, jwaloka hoja le se etsetsa Morena, e seng batho. Tsebang hore Morena o tla le putsa ka ho le etsa majalefa a hae. Morena eo le mo sebeletsang ke Kreste.
- Ya thahasellang ho loka le lerato
o tla fumana bophelo
le toka le tlotla. - Ebe motho a ka boellwa ke eng, haeba a ka rua lefatshe lohle, empa a senyehelwa ke bophelo ba hae?
- Leha mmele wa ka
le pelo ya ka di ka fela,
Modimo ke lefika la ka
le kabelo ya ka kamehla. - Ya ratang ho phela,
le ho bona matsatsi a thabo,
a tshware leleme la hae
ho bua tse mpe,
le molomo wa hae
ho bua thetso.
A furalle bobe, a etse botle,
a batle kgotso, a e pheelle. - Dintho tsohle
di beetswe dinako tsa tsona,
nako tsa ho etsa tsohle
mona lefatsheng. - Wena o lefika la ka
le qhobosheane ya ka;
ntsamaise, o ntataise
ka baka la lebitso la hao. - Baballa pelo ya hao,
e baballe ho feta tsohle,
hobane ke yona diba sa bophelo. - Morena, mpontshe ditsela tsa hao,
o nthute mehlala ya hao. - Le se ke la tshwana le ba lefatshe lena, le mpe le fetohe ka ho ntjhafala dikelellong, hore le tle le iphumanele seo thato ya Modimo e leng sona, e leng sohle se molemo, se kgahlehang, se phethehileng.
- Jesu a re ho bona: “Ke nna bohobe ba bophelo; ya tlang ho nna ha a ka ke a lapa le ka mohla, mme ya dumelang ho nna ha a ka ke a nyorwa le ka mohla.”
- Kgoba matshwafo, o lebelle Morena;
o se ke wa itlhonamisa
ka eo tsohle di mo atlang,
e leng
ya phethang merero e kgopo. - Ruri lehlohonolo le mohau
di tla ba le nna,
ka matsatsi wohle a bophelo ba ka;
mme ke tla phela ka tlung ya Morena,
ke phele kateng kamehla yohle. - Ya tshwarang leme la hae
o baballa bophelo ba hae,
ya phasolohang feela
yena o tla timela. - Kajeno ke le laetse hore le rate Morena Modimo wa lona, le tsamaye ditseleng tsa hae, le boloke melao ya hae, le ditaelo tsa hae, le ditemoso tsa hae, e le hore le tle le phele, mme le ate. Morena Modimo wa lona, o tla le hlohonolofatsa naheng eo le yang ho yona, hore e tle e be ya lona.
- Ya dumelang ho nna, jwalokaha Mangolo a boletse, dinoka tsa metsi a kollang di tla phalla di etswa ka ho yena.
- Se ke wa re:
“Ke hobaneng ha tshiu tsa kgale
di bile molemo ho feta tsa kajeno?”
Ho botsa potso ena
ke ho hloka bohlale. - Ya mamelang ha a kgalengwa
o tseleng ya bophelo,
empa ya sa mameleng,
yena o a kgeloha. - Kahoo bophelo boo ke bo phelang ha e sa le ba ka, empa e se e le ba Kreste ya phelang ka ho nna. Bophelo boo ke bo phelang lefatsheng jwale, ke bo phela ka ho dumela ho Mora wa Modimo, ya nthatileng, mme a itella nna.
- Pheellang ho phela le bohle ka kgotso le ka kgalalelo, hobane ntle ho yona ha ho ya tla bona Morena.
- Ke mang hara lona, ya bohlale, ya nang le tsebo? Ka boitshwaro ba hae bo botle, a ke a bontshe hore mesebetsi ya hae e etswa ka boikokobetso bo dumellanang le bohlale.
Dihlogotaba tša go tswalana
Dijo
O ile a tima...
Jesu
Jesu a ba tadima...
Tlholo
Tshimolohong Modimo o ne...
Tumelo
Ka baka leo, ke...
Lerato
Lerato le na le...
Boloki
Ya thahasellang ho loka...