KUMAHEBHERE

Iindinyana zeBhayibhile Ezidumileyo

XHO96

Ukukholwa ke kukuqiniseka ngezinto esinethemba lazo; kukwakukuqiniseka nangobukho bezinto esingaziboniyo.
KUMAHEBHERE 11:1 ukholo inyaniso ithemba
Masisondele ke ngoko singenadyudyu apho ahleli khona esihlalweni sokulawula uThixo wethu onenceba; apho sakwenzelwa khona ububele nesisa, sincedakale ngoku kuselithuba.
KUMAHEBHERE 4:16 ubabalo umthandazo inceba
Lungekho ke ukholo akukho ukumkholisa uThixo. Kaloku wonke ubani ozayo kuye kufuneka akholwe ukuba ukho uThixo, yaye uyabavuza abo bamlangazelelayo.
KUMAHEBHERE 11:6 ukholo uvuyo ibuyiselo
Ngoko ke masikhathalelane, sivuselelane uthando, ngokunjalo nokwenza imisebenzi emihle. Kananjalo masikuxabise ukudibana namanye amakholwa, siphefumlelane, singabi njengâbo bawutyeshelayo lo mkhwa. Ewe, masikhuthazane ngakumbi nangakumbi, kuba nani niyabona ukuba imini leyo iyasondela.
KUMAHEBHERE 10:24-25 ukuza kwesibini uluntu ukhuthazo
Ilizwi likaThixo liyaphila, liyasebenza. Libukhali ngaphezu kwekrele elibazwe macala. Lihlabanisela liye kuthi xhokro embindini, phakathi komzimba nomphefumlo, nasekudibaneni kwamathambo nomongo. Liyazihluza lizicalu-calula iingcamango neminqweno yabantu.
KUMAHEBHERE 4:12 ILizwi likaThixo amandla iingcamango
Masithi nca kwisivumo seli themba sinalo; kaloku unyanisekile lowo usithembisileyo.
KUMAHEBHERE 10:23 ukuthembeka ithemba ukuvuma
Masitsho singenadyudyu ke sithi:
“YiNkosi umncedi wam, andiyi koyika nto!
Angandenza ntoni umntu?”
KUMAHEBHERE 13:6 thembela uloyiko ukukhuselwa
Hlalani ngoxolo nabo bonke abantu. Yibani nyulu, kuba ngaphandle kobunyulu akukho mntu uya kuyibona iNkosi.
KUMAHEBHERE 12:14 ubungcwele uxolo ubomi
Musani ukuba ngamathandamali. Yanelani yinto eninayo. Kaloku uThixo uthi: “Andiyi kukuyekela; ndingayi kukufulathela.”
KUMAHEBHERE 13:5 thembela imali ukuthanda izinto eziphathekayo
Kambe ke, xa sisephantsi kwayo, ingqeqesho ayivakali iluyolo, koko ibuhlungu; kodwa ke abo bayinyamezelayo baba nobomi obusulungekileyo obuyondeleleneyo.
KUMAHEBHERE 12:11 ubulungisa uxolo abantwana