Iivesi zeBhayibhile malunga nomthandazo

«»

• Vuyani maxa onke, nithandaze njalo-njalo. Nakuyiphi na imeko bulelani. UThixo uthanda ukuba nenjenjalo njengokuba nimanywe noKrestu Yesu nje.
  1 KWABASETESALONIKA 5:16-18uvuyoumbulelo
• Sanukuba naxhala; kodwa iintswelo zenu ziseni kuThixo ngomthandazo, nimbongoze ninombulelo. Ke lona uxolo lukaThixo olungaphaya kokuqonda luya kuzalusa iintliziyo neengcinga zenu ningahlukani noKrestu.
  KWABASEFILIPI 4:6-7umbuleloukukhathazekauloyiko
• Ngoko ke sisondela singenaxhala kuThixo, sisazi ukuba uyasiphulaphula xa sicela silungele ukwenza loo nto athanda ukuba siyenze.
  1 KAYOHANE 5:14thembelaukuphulaphula
• Zingisani ukuthandaza, niphaphile, ninombulelo kuThixo.
  KWABASEKOLOSE 4:2umbulelo
• Nokhalela kum, nize kundithandaza, ndize mna ndiniphulaphule.
  UJEREMIYA 29:12unquloukuphulaphula
• Ngenxa yoko ndithi kuni, zonke izinto enizicela nithandaza, kholwani ukuba senizinikiwe; nozifumana ke.
  UMARKO 11:24ukholoukwamkela
• Vuyani, ninethemba nje, ninyamezele ezimbandezelweni zenu, nithandaze ningayeki.
  KWABASEROMA 12:12uvuyoumonde
• UNdikhoyo ukufuphi kwabo babhenela kuye,
  kwabo bamfuna benyanisekile.
  INdumiso 145:18thembelaukuthembeka
• Phakathi kobusuku uPawulos noSilas bathandaza bacula bedumisa uThixo, namanye amabanjwa ebeva.
  UMSEBENZI WABATHUNYWA 16:25unquloukuphulaphuladumisani
• Khala kum, ndikuphendule, ndikwazise izinto ezinkulu ezingenakugocagocwa, obukade ungaziqondi.
  UJEREMIYA 33:3ukuqondaukuphulaphula
• Ngoko ke, xa nithandazayo, ze ningenzi milembelele ingento, njengabangakholwayo, bona baba boviwa ngenxa yamazwi abo amaninzi.
  UMATEWU 6:7ukuthethaiingcamango
• Masisondele ke ngoko singenadyudyu apho ahleli khona esihlalweni sokulawula uThixo wethu onenceba; apho sakwenzelwa khona ububele nesisa, sincedakale ngoku kuselithuba.
  KUMAHEBHERE 4:16ubabaloinceba
• Kuba apho bathe bahlangana khona egameni lam ababini nokuba ngabathathu, nam ndikho phakathi kwabo.
  UMATEWU 18:20UYesuuluntuicawa
• Ndazibika kuNdikhoyo ndikuloo ngxingongo,
  ndalucela uncedo kuThixo wam.
  Wandiva engqendeve ebhotwe lakhe,
  savakala kuye isikhalo sam.
  INdumiso 18:6ukuthethaukuphulaphula
• Ke wena, xa uthandazayo, ngena egumbini lakho, uluvale ucango, uthandaze kuYihlo ongabonwayo. Ke uYihlo, yena obona okwenzeka emfihlekweni, wokuvuza.
  UMATEWU 6:6ibuyiseloUTata
• Njengokuba ke sisazi ukuba uyaziphulaphula izicelo zethu, ngokunjalo ke siyazi ukuba izinto esizicelayo sesiziphiwe.
  1 KAYOHANE 5:15thembelaukuphulaphula
• Ngoko ke zivumeni izono omnye komnye, nithandazelane, khon' ukuze ninyangeke. Kaloku umthandazo womntu olungileyo unamandla angummangaliso.
  EKAYAKOBI 5:16ubulungisaukuphilisaukugula
• Kodwa ke loo mntu makacele ekholwa, engathandabuzi konke. Kaloku umntu othandabuzayo ufana namaza alatyuziswa ngumoya elwandle.
  EKAYAKOBI 1:6thembelaukholo
• Asinini enanyula mna, ndim owaninyulayo nina. Ndanimisela okokuba niqhubele phambili, nivelise iziqhamo ezihlala zikho. Ke ngoko uBawo uya kuninika konke enithi nikucele egameni lam.
  UYOHANE 15:16ukuthobelaubizoukuba nesiqhamo
• Kuzo zonke izinto isiphelo sisemnyango. Ngoko ke hlalani nisezingqondweni, nikuqulele ukuthandaza.
  1 KAPETROS 4:7ukuza kwesibiniphumla
• Ndadanduluka kuye ndizibika;
  ndandipheth' iindumiso nemibongo.
  INdumiso 66:17unqulodumisaniukucula
• Bonke aba babezingisa ukuthandaza ngamxhelo mnye, kukho namanina, ekho noMariya unina kaYesu nabantakwabo-Yesu.
  UMSEBENZI WABATHUNYWA 1:14uluntu
• Ke ngoko nayiphi na into eniyicela kum ndiya kuyenza, ukuze uYise abonakalise amandla akhe ngoNyana.
  UYOHANE 14:13UYesuUTata
• Konke enikucelayo ngomthandazo nikholwa, nokwamkela.
  UMATEWU 21:22ukuthembekaukholo
• Ke mna ndithi kuni, nina nindivayo: Zithandeni iintshaba zenu, nibenzele okulungileyo abo banithiyileyo. Basikeleleni abo baniqalekisayo, nibathandazele abo banigxekayo.
  ULUKA 6:27-28ukuthobelaintsikelelo