Iivesi zeBhayibhile malunga neZwi likaThixo

«»

• Ilizwi likaThixo liyaphila, liyasebenza. Libukhali ngaphezu kwekrele elibazwe macala. Lihlabanisela liye kuthi xhokro embindini, phakathi komzimba nomphefumlo, nasekudibaneni kwamathambo nomongo. Liyazihluza lizicalu-calula iingcamango neminqweno yabantu.
  KUMAHEBHERE 4:12amandlaiingcamango
• Sonke isibhalo sinefuthe loMoya kaThixo. Siyanceda ekufundiseni inyaniso nokuchitha imposiso. Siyanceda ukulungisa isimilo, sinike ingqeqesho; ukuze lowo uzinikele kuThixo abe namandla okuwuphumeza nawuphi na umsebenzi omhle.
  2 KUTIMOTI 3:16-17ubomiizixhoboukukhonza
• Ilizwi lakho sisibane sendlela yam;
  liyandikhanyisela eluhambeni.
  INdumiso 119:105ukukhanya
• Musani ukuzikhohlisa ngokuliphulaphula nje qha ilizwi likaThixo. Endaweni yaloo nto nina yenzani oko likuthethayo.
  EKAYAKOBI 1:22ukuthobelaukuphulaphula
• Lungaziphatha kanjani ulutsha ukuze ihambo yalo ibe nyulu?
  Ngokuthobela ilizwi lakho.
  INdumiso 119:9ubungcweleizixhobo
• Ke yena wathi: “Yithi kanye: unoyolo lowo ulivayo ilizwi likaThixo alenze.”
  ULUKA 11:28ubomiukuphulaphula
• Ingca iyatshaza, yona ke intyatyambo ibune,
  ke lona ilizwi loThixo wethu lohlala lihleli.
  UISAYA 40:8ukuthembekauThixoubuhle
• Hayi bo, zigqibelele izinto azenzayo lo Thixo!
  Hayi ukuthembeka kwelizwi lakhe!
  Uyabakhusela bonke abo bathembela ngaye.
  INdumiso 18:30ngokungenatyalaukukhuselwa
• Wonke ke umntu owevayo la mazwi am, aze awenze, unokufanekiswa nendoda eyingqondi, ethe yayakhela phezu kwesiseko samatye indlu yayo.
  UMATEWU 7:24ubulumkoukuphulaphulaingqondo
• Liya kudlula izulu nehlabathi; ke wona amazwi am akasayi kuze adlule.
  UMATEWU 24:35ukuthembekaizulu
• Yonke into enimelwe kukuyenza yenzeni ngaphandle kokukhalaza nokuxambulisana, niziphathe nyulu ningenagxeke, njengosapho lukaThixo olungabekwa bala phakathi kwabantu abakhohlakeleyo beli phakade. Khanyani phakathi kwabo njengeenkwenkwezi zikhanya esibhakabhakeni, nibanika iindaba zobomi.
  KWABASEFILIPI 2:14-16aubungcweleubomingokungenatyala
• Lithi lakuchazwa ilizwi lakho kutsho kuthi qwenge;
  abangazi nto libanika ukuqonda.
  INdumiso 119:130ukuqondaukukhanya
• Waphendula yena wathi: “IziBhalo zithi: ‘Umntu akaphili ngasonka sodwa; uphila ngamazwi onke athethwa nguThixo.’”
  UMATEWU 4:4ukutyaukuphulaphulaisonka
• Ekuqaleni, kungekadalwa, wayeselekho uLizwi. ULizwi lo wayekunye noThixo, naye ngokwakhe enguThixo.
  UYOHANE 1:1uThixo
• Kaloku ilizwi likaNdikhoyo linyanisekile,
  nemisebenzi yakhe yonke inyanisekile.
  INdumiso 33:4ukuthembekainyaniso
• IziBhalo zithi kuya kugqabhuka imisinga yamanzi aphilisayo embilinini walowo ukholwayo kum.
  UYOHANE 7:38ukholoubomi
• UThixo olizwi ndilidumisayo
  ndikholosa ngaye ndingenadyudyu.
  Soze andenze nto umntu.
  INdumiso 56:4thembelauloyikodumisani
• Njengamakholwa aseziintsana langazelelani ubisi olungangxengwanga: ndixela ilizwi likaThixo eliya kunikhulisa nide nisindiswe.
  1 KAPETROS 2:2usindisoukutyaukuzalwa ngokutsha
• Kaloku nguNdikhoyo onika ubulumko;
  luphuma emlonyeni wakhe ulwazi nokuqonda.
  IZAFOBE 2:6ubulumko
• Ke ngoko uYesu wathi kumaJuda abeke ithemba kuye: “Ukuba nithe nazingisa ukuhlala nisenza oko ndinifundisileyo, niya kuba ngabafundi bam benene. Niya kuyiqonda ke inyaniso; yaye inyaniso iya kunenza nikhululeke.”
  UYOHANE 8:31-32inyanisoukulandelaukuba likhoboka
• Wena ulikhaka nekhusi lam;
  ndiqamele ngelizwi lakho.
  INdumiso 119:114ithembaukukhuselwa
• Yahlukanani nemikhwa emibi nehambo engcolileyo. Mlulameleni uThixo, namkele ilizwi lakhe alifake kuni ezintliziyweni. Lilo elinamandla okunisindisa.
  EKAYAKOBI 1:21usindisoububiuguqulo
• Likwanjalo ke nelizwi endilithethayo:
  alibuyi lilambatha,
  koko liyawufezekisa umnqweno wam,
  liliqaqambise icebo lam.
  UISAYA 55:11ukuthethaukuthembekaukuba nesiqhamo
• Ndikhoyo, undinike ikhaka lokuhlanganisa,
  wandixhasa ngesandla sakho esinamandla;
  undibonelele ndatsho ndazimaseka.
  Undimise endaweni ephangaleleyo;
  azinakutyibilika kuyo iinyawo zam.
  INdumiso 18:35-36usindisoukukhuselwa
• Wanithoba eniyekela ngendlela, waza kananjalo wanipha imana, kutya oko naningakwazi, nina ngokunjalo nooyihlo-mkhulu. Le nto ke wayenza kuba efuna niqonde nazi ukuba ubomi bomntu abuxhomekanga kutyeni kuphela, koko buxhomekeke kuwo onke amazwi kaNdikhoyo.
  UHLAZIYO-MNQOPHISO 8:3ukubandezelekaubomiukutya