Amavesi EBhayibheli ngobubi

«»

• Unganqotshwa ngokubi, kodwa nqoba okubi ngokuhle.
  KwabaseRoma 12:21okuhleukunqobaizithombe ezibaziweyo
• UJehova uyakukulondoloza ebubini bonke;
  uyakulonda umphefumulo wakho.
  UJehova uyakulondoloza ukuphuma kwakho nokungena kwakho
  kusukela kulesi sikhathi kuze kube phakade.
  AmaHubo 121:7-8ngiyethembaukuphila
• Hlomani izikhali zonke zikaNkulunkulu, ukuze nibe namandla okumelana namaqhinga kaSathane.
  Kwabase-Efesu 6:11izisetshenziswaukuvikelaizithombe ezibaziweyo
• Ngiyanincenga, bazalwane, ukuba niqaphele ababanga ukwahlukana nokukhubekisa, bephambene nesifundiso enafundiswa sona nina, nahlukane nabo.
  KwabaseRoma 16:17ubungcweleumphakathiisonto
• Ngokuba asibambene negazi nenyama, kodwa sibambene nemibuso, namandla, nababusi bezwe balobu bumnyama, nabawomoya bobubi emkhathini.
  Kwabase-Efesu 6:12UMoyaizuluukuzithiba
• Wayesethi: “Okuphumayo kumuntu yilokho okumngcolisayo umuntu; ngokuba ngaphakathi enhliziyweni yabantu kuphuma imicabango emibi, nobufebe, nokweba, nokubulala, nokuphinga, nokufisa, nokushinga, nenkohliso, nokungabi nanhloni, neso elibi, nokuhlambalaza, nokuzidla, nobuwula. Zonke lezo zinto ezimbi zivela ngaphakathi, zimngcolise umuntu.”
  NgokukaMarku 7:20-23isibiukuhlanzwaisilingo
• Ukumesaba uJehova kungukuzonda okubi;
  ukuzidla, nokuzikhukhumeza,
  nendlela embi,
  nomlomo wobuphoxo, ngiyakuzonda.
  IzAga 8:13mangalaukuziqhenyaukuqamba amanga
• Yebo, nina nangisongozela okubi, kepha uNkulunkulu wakuceba kwaba kuhle ukuba akwenze kube njenganamuhla, asindise abantu abaningi.
  UGenesise 50:20UNkulunkuluukuphila
• Qaphelani ukuba kungabikho ophindisela omunye okubi ngokubi; kepha jongani njalo ukwenza okuhle, omunye komunye nakubo bonke.
  1 kwabaseThesalonika 5:15ongenasiciukulunga
• Thukuthelani ningoni; ilanga malingashoni nisathukuthele. Ningamniki uSathane indawo.
  Kwabase-Efesu 4:26-27isibiintukuthelousathane
• Vivinyani konke, nibambisise okuhle; dedani kukho konke okubonakala kukubi.
  1 kwabaseThesalonika 5:21-22ukuqondaisiprofetho
• Ungabi ngohlakaniphileyo emehlweni akho;
  mesabe uJehova, udede ebubini.
  Lokho kuyakuba yimpilo emzimbeni wakho
  nokuhlunyelelwa kwamathambo akho.
  IzAga 3:7-8mangalaisibusisoimpilo
• Uthando malungabi nakuzenzisa; nenyanye okubi, nibambelele kokuhle.
  KwabaseRoma 12:9uthandookuhle
• Nina enithanda uJehova zondani okubi;
  uyagcina imiphefumulo yabamkhonzayo;
  uyabasindisa ezandleni zababi.
  AmaHubo 97:10thembekileumhlengiinkululeko
• Deda kukho okubi, wenze okuhle;
  funa ukuthula, ukujonge.
  AmaHubo 34:14okuhleukuthulaizithombe ezibaziweyo
• Inzondo iyabanga ukuxabana,
  kepha uthando luyasibekela iziphambeko zonke.
  IzAga 10:12uthandointukuthelo
• Angiceli ukuba ubasuse ezweni; kepha ngicela ukuba ubalonde kokubi.
  NgokukaJohane 17:15ukuphephaumlamuliumhlaba
• INkosi iyakungikhulula kuyo yonke imisebenzi emibi, ingisindise, ngize ngifike embusweni wayo osezulwini; makube kuyo inkazimulo kuze kube phakade naphakade. Amen.
  2 kuThimothewu 4:18ukuvikelaizulukhulekela
• Washo kanje uJehova Sebawoti, wathi: ‘Yahlulelani izahlulelo eziqinisileyo, nenze umusa nobubele, kube yilowo nalowo kumfowabo, ningacindezeli abafelokazi, nezintandane, nabafokazi, nabampofu, kungabi ngoceba okubi ngomfowabo enhliziyweni yakhe.’
  UZakariya 7:9-10ukulungaumakhelwaneubumnene
• Gezani, nihlanzeke,
  nisuse ububi bezenzo zenu phambi kwamehlo ami,
  niyeke ukwenza okubi.
  U-Isaya 1:16isibiukuhlanzwa
• Qinisa izinyathelo zami ezwini lakho;
  makungangibusi nobubodwa ububi.
  AmaHubo 119:133isibiukulandelausathane
• Ungasingenisi ekulingweni,
  kodwa usikhulule kokubi;
  ngokuba umbuso ungowakho,
  namandla, nenkazimulo,
  kuze kube phakade. Amen.
  NgokukaMathewu 6:13isilingoizifisoukuvikela
• Ukukhanya kukhanya ebumnyameni, kepha ubumnyama abukwamukelanga.
  NgokukaJohane 1:5ukunqobainkazimulo
• Ngakho lahlani yonke insila nokubi okuvamileyo, namukele ngomoya omnene izwi elitshaliweyo elinamandla okusindisa imiphefumulo yenu.
  EkaJakobe 1:21insindisoIZwi likaNkulunkuluukuguqulwa
• Ubuso bukaJehova bumelene nabenza okubi
  ukuba achithe ukukhunjulwa kwabo emhlabeni.
  AmaHubo 34:16isibi