Ditemana tša Bibele tša go bolela ka Lethabo
- Thabang kamehla, se phetseng ho rapela, lebohang dinthong tsohle, hobane tsena ke tsona tseo Modimo a ratang hore le di etse ka Kreste Jesu.
- Morena Modimo wa hao,
o na le wena,
ke senatlahadi se tla o lwanela.
O tla o thabela ka nyakallo,
a o rate ka lerato la sebele,
a howeletse,
a o hlabele medidietsane,
a e hlabe
sa mohla tsatsi la mokete. - Kamehla thabang ka ho ba ho Morena; ke boela ke re: Thabang!
- Thabang ka baka la tshepo ya lona, mamellang matshwenyehong, tiisetsang thapelong.
- Ha pelo ya ka e touta haholo,
matshediso a hao
a hlabolla moya wa ka. - Lena ke lona letsatsi
le entsweng ke Morena;
a re nyakalleng,
re thabeng ke hona. - Leha fate sa feiye
se ke ke sa fupa,
kapa fate sa morara sa se ke sa beha;
leha mohlwaare
o ke ke wa beha ditholwana,
kapa kotulo ya eba siyo masimong;
leha masaka a dikgutswane a ka oma,
kapa masaka a dikgomo
a mela mohlwa,
nna ke tla nne ke ithabelle Morena,
ke nyakallele Modimo,
Mopholosi wa ka. - O tla mpontsha tsela ya bophelo;
thabo e kgaphatsehang
e fumanwa ho wena,
ho ba ka tsohong la hao le letona
ke monyaka o sa feleng. - Ke tla thabela Morena
ka pelo ya ka yohle,
moya wa ka
o thabele Modimo wa ka haholo,
hobane o nkapesitse kobo
ya ho pholoswa,
a nkwahela ka seaparo sa ho loka,
jwalokaha monyadi
a ikgabisa ka moqhaka,
a ikgabisa
jwaloka moprista a ikgabisa,
monyaduwa a tlatlapela
mabenyane a hae. - Yena eo le mo ratang le hoja le sa ka la mmona, mme le hona jwale le dumelang ho yena le hoja le eso mmone. Jwale le nyakaletse ka thabo e ke keng ya bolelwa, e tlotlehang, hobane le tla amohela moputso wa tumelo ya lona, e leng pholoho ya lona.
- Ho fihlela jwale ha le eso kope letho ka lebitso la ka; kopang, mme le tla fuwa, hore thabo ya lona e be e phethehileng.
- Ke buile ditaba tsena ho lona hore thabo ya ka e be ka ho lona, mme thabo ya lona e be e phethehileng.
- Ka baka leo, ke thabela bofokodi, mahlapa, ditsietsi, ditlhoriso, le mahlomola, ka baka la Kreste, hobane ha ke fokola, eba ke hona ha ke le matla.
- Karabo e nepahetseng
e thabisa monga yona,
e tlang ka nako ya yona
e molemo hakaakang! - O setshabelo sa ka,
o tla mphemisa matshwenyeho;
o nteela hare, o a ntopolla. - Empa se bewang ke Moya ke lerato, thabo, kgotso, mamello, mosa, molemo, botshepehi, bonolo le boitshwaro. Tse kang tsena, ha ho molao o ka di thibelang.
- Motho ka mong a ke a fane ho ya kamoo a rerileng kateng ka pelong ya hae, e seng ka ho kganana kapa ka ho qobellwa. Modimo o rata ya fanang a thabile.
- Thabang le ba thabileng, llang le ba llang.
- Ha ho ka ba jwalo, ke tla le etela ke thabile, ke kgatholohe le lona, ha Modimo a rata.
- Pelo e thabileng
e tseba ho fodisa,
empa moya o hlorileng
o tepeletsa mmele. - Ditemoso tsa hao
ke lefa la ka la mehla yohle,
ke thabo ya pelo ya ka. - Ke a o thabela,
ke nyakallela ho wena;
ke roka lebitso la hao,
wena Ya Hodimodimo. - Jwale kantle ho tumelo ha ho kamoo motho a ka kgahlisang Modimo kateng. Ya atamelang pela Modimo eka kgona a dumele hore Modimo o teng, le hore ke yena ya putsang ba mmatlang.
- Morena o kgahlwa ke setjhaba sa hae,
o tlotlisa bahlophehi
ka ho ba pholosa. - E, borapedi ke leruo le leholo ho ya kgotsofaletseng seo a nang le sona.
Dihlogotaba tša go tswalana
Bophelo
Morena o tla o...
Pelo
Baballa pelo ya hao...
Dijo
O ile a tima...
Modimo
Morena Modimo wa hao...
Molao
Mantswe ana ao ke...
Manyami
Ha ba lokileng ba...