Amavesi EBhayibheli ngenjabulo

«»

• Thokozani njalo; khulekani ningaphezi; kukho konke bongani; ngokuba lokhu kuyintando kaNkulunkulu kuKristu Jesu ngani.
  1 kwabaseThesalonika 5:16-18ukubongaumkhuleko
• UJehova uNkulunkulu wakho uphakathi kwakho,
  iqhawe eliyakukusindisa;
  uyakujabula ngawe ngentokozo,
  athule othandweni lwakhe,
  ethabe ngawe ngokuhlabelela.
  UZefaniya 3:17UNkulunkuluumhlengiukucula
• Thokozani eNkosini njalonjalo; ngiyaphinda ngithi: Thokozani!
  KwabaseFilipi 4:4UNkulunkulu
• Ethembeni nithokoze; osizini nibekezele; ekukhulekeni niqinisele njalo.
  KwabaseRoma 12:12umkhulekoukubekezela
• Kubo ubuninginingi bemicabango yenhliziyo yami
  ukududuza kwakho kwathokozisa umphefumulo wami.
  AmaHubo 94:19ukukhathazekaumduduzi
• Yilolu usuku alwenzileyo uJehova;
  siyakwethaba, sithokoze ngalo.
  AmaHubo 118:24indaloukuphila
• Noma umkhiwane ungakhahleli,
  kungabikho izithelo emvinini,
  umsebenzi womnqumo uphuthe,
  amasimu angavezi ukudla,
  izimvu zinqunywe esibayeni,
  kungabikho nkomo ezibayeni,
  nokho mina ngiyakuthokoza ngoJehova,
  ngijabulele uNkulunkulu wokusindiswa kwami.
  UHabakuki 3:17-18insindisokhulekelaisivuno
• Uyakungazisa indlela yokuphila;
  ukugcwala kwenjabulo kusebusweni bakho;
  intokozo isesandleni sakho sokunene kuze kube phakade.
  AmaHubo 16:11ukuphilaukusondela
• Ngiyathokoza nokuthokoza ngoJehova,
  umphefumulo wami wenama ngoNkulunkulu wami,
  ngokuba ungembathisile izingubo zensindiso,
  wangisibekela ngesambatho sokulunga,
  njengomyeni efaka iqhele ngokompristi,
  nanjengomakoti ezihlobisa ngezimvunulo zakhe.
  U-Isaya 61:10ukulungaumhlengiumshado
• Enimthanda ningambonanga, enithi ningamboni manje nikholwa nguye, nithokoza ngentokozo engakhulumekiyo netusekayo, namukela isigcino sokukholwa kwenu esiyinsindiso yemiphefumulo.
  1 kaPetru 1:8-9inkoloinsindiso
• Kuze kube kalokhu anicelanga lutho egameni lami. Celani, niyakwamukeliswa ukuba intokozo yenu igcwale.
  NgokukaJohane 16:24thembekileukwamukelaongenasici
• Nginitshelile lokho ukuba ukuthokoza kwami kube kini, nokuthokoza kwenu kugcwale.
  NgokukaJohane 15:11UJesuongenasici
• Ngakho ngenamile ebuthakathakeni, nasekuphathweni kabi, nasekusweleni, nasekuzingelweni, nasekubandezekeni ngenxa kaKristu, ngokuba uma ngibuthakathaka, yikhona nginamandla.
  2 kwabaseKorinte 12:10amandlaushushisoubuthakathaka
• Umuntu uyathokoza ngokuphendula komlomo wakhe,
  nezwi ngesikhathi salo lihle kangakanani!
  IzAga 15:23ukukhuluma
• Wena uyindawo yami yokucasha;
  uyangilondoloza ngingahlupheki;
  ungiphahla ngenjabulo yokukhululwa. Sela
  AmaHubo 32:7ukuphephaukuvikelaukucula
• Kepha izithelo zikaMoya ziluthando, nokujabula, nokuthula, nokubekezela, nobubele, nobuvi, nokukholeka, nobumnene, nokuzithiba. Akukho mthetho omelana nokunjalo.
  KwabaseGalathiya 5:22-23umthethoUMoyaisibusiso
• Yilowo nalowo anikele njengalokho azikhethele khona enhliziyweni, kungabi ngokudabuka nangokucindezelwa, ngokuba uNkulunkulu uyamthanda onikelayo ethokoza.
  2 kwabaseKorinte 9:7ukuphainhliziyoisisa
• Thokozani nabathokozayo, nikhale nabakhalayo.
  KwabaseRoma 12:15ububeleukudabuka
• Ukuba ngize kini ngokuthokoza, ngentando kaNkulunkulu, ngiphumule kanye nani.
  KwabaseRoma 15:32ukulalela umthethoukuncika
• Inhliziyo eyenamileyo iyikhambi elihle,
  kepha umoya owaphukileyo uyomisa amathambo.
  IzAga 17:22ukuphulukisainhliziyoukugula
• Ngidlile ifa lobufakazi bakho kuze kube phakade,
  ngokuba kuyintokozo yenhliziyo yami.
  AmaHubo 119:111umthethoinhliziyo
• Ngiyakujabula, ngethabe kuwe;
  ngiyakudumisa igama lakho wena oPhezukonke.
  AmaHubo 9:2khulekelaUNkulunkuluukucula
• Kepha-ke ngaphandle kokukholwa akwenzeki ukumthokozisa; ngokuba ozayo kuNkulunkulu umelwe ukukholwa ukuthi ukhona nokuthi ungumvuzi walabo abamfunayo.
  KumaHeberu 11:6inkoloumvuzoukufuna
• Ngokuba uJehova uyathokoza ngabantu bakhe;
  abathobekileyo uyabahlobisa ngensindiso.
  AmaHubo 149:4ukuthobekaisibusiso
• Yebo, ukumesaba uNkulunkulu kanye nokwaneliswa kuyinzuzo enkulu.
  1 kuThimothewu 6:6inkoloukuthanda izinto ezibambekayoukwaneliseka