Ditemana tša Bibele tša go bolela ka Bohlale
- Ke Morena ya fanang ka bohlale,
tsebo le kutlwisiso di tswa ho yena. - Hlokomelang metsamao ya lona haholo; le se be dithoto, le mpe le be ba bohlale, le sebedise monyetla oo le o fumanang, hobane mehla ena e mebe.
- Haeba e mong wa lona a hloka bohlale, a ke a bo kope ho Modimo ya fang bohle ka matsoho a mabedi, a sa kganane, mme o tla bo fuwa.
- Empa bohlale bo tswang hodimo, pele ho tsohle, bo hlwekile; hape bo na le kgotso le mosa, bo bonolo, bo tletse lereko le ditholwana tse molemo; ha bo na leeme, ha bo iketsise.
- Ho fumana bohlale
ho molemo ho feta kgauta,
ho fumana kutlwisiso
ho molemo ho feta silefera. - Se ke wa re:
“Ke hobaneng ha tshiu tsa kgale
di bile molemo ho feta tsa kajeno?”
Ho botsa potso ena
ke ho hloka bohlale. - Ebang sedi ho ba kantle, le sebedise monyetla oo le o fumanang. Kamehla dipolelo tsa lona e be tse mosa, tse nokilweng ka letswai, mme le ithute ho araba motho ka mong hantle.
- Dikgang di hlahiswa ke boikakaso,
bohlale bo fumanwa
ho ba mamelang dikeletso. - Ya ipatlelang bohlale
o rata bophelo ba hae,
ya nang le kelello,
katleho ke ya hae. - Ho se be ya ithetsang. Ha e mong hara lona a ikgopola hore o na le bohlale ba lefatshe lena, a ke a fetohe sethoto, e le hore a tle a hlalefe.
- Ya tshwarang leme la hae
o baballa bophelo ba hae,
ya phasolohang feela
yena o tla timela. - Ke mang hara lona, ya bohlale, ya nang le tsebo? Ka boitshwaro ba hae bo botle, a ke a bontshe hore mesebetsi ya hae e etswa ka boikokobetso bo dumellanang le bohlale.
- Kahoo re rute
ho bala ditshiu tsa rona,
pelo tsa rona di tle di hlalefe. - Ha ho le jwalo, mang le mang ya utlwang dipolelo tsena tsa ka, a di phetha, o tla tshwantshwa le motho ya bohlale, ya ileng a haha ntlo ya hae hodima letlapa.
- Boikakaso bo etella dihlong pele,
boikokobetso bona
bo tsamaya le bohlale. - Ho tshaba Morena
ho ruta motho bohlale;
ikokobetse pele, mme o tla tlotlwa. - Ya mphumanang o fumana bophelo,
Morena o tla mo rekolohela. - “Mehopolo ya ka
hase mehopolo ya lona,
tsela tsa lona
hase tsela tsa ka,”
ho rialo Morena. - Sethoto ha se thabele
ho ba le kutlwisiso,
se thabela
ho pepesa mehopolo ya sona. - Ke kopa Modimo wa Morena wa rona Jesu Kreste, Ntate ya tlotlehang, hore a ke a le fe moya wa bohlale o le senolelang yena, le tle le mo tsebe.
- Bo kahodimo ho tsohle,
iphumanele bona,
ka tsohle tseo o nang le tsona,
o bo reke, o iphumanele kutlwisiso. - Ya bohlale
o tla mamela molao pelong ya hae,
sethoto se beberang
sona se tla timela. - Tsena tsohle
di tswa ho Morena wa mabotho,
keletso tsa hae ke tse makatsang,
bohlale ba hae ke bo tebileng. - Na ha le tsebe,
kapa ha le eso utlwe?
Morena ke Modimo
wa kamehla yohle,
ke yena Mmopi wa lefatshe lohle.
A ke ke a kgathala kapa a tepella,
mehopolo ya hae
e ke ke be ya fihlelwa. - Wena Modimo
wa baholoholo ba heso,
ke a o leboha, ke bile ke a o tlotla,
wena ya nneileng bohlale le matla,
wa ntshenolela
seo re se kopileng ho wena,
wa re senolela
seo kgosi e se batlang.
Dihlogotaba tša go tswalana
Kwešišo
Ipiletse ho nna, mme...
Mogopolo
Thahasellang dintho tse hodimo...
Go bolela
Leleme le ka phedisa...
Bophelo
Morena o tla o...
Lentšu la Modimo
Lentswe la Modimo le...
Pefelo
Ha le halefile le...
Temana ya Bibele ya lehono
Empa nna Modimo o a nthusa,Morena ke mmaballi e moholo,
ke mmaballi wa bophelo ba ka.