1 kaPetru

Amavesi adume kakhulu

ZUL59

Kunakho konke yibani nokuthandana okunganqamukiyo, ngokuba uthando lusibekela inqwaba yezono.
1 kaPetru 4:8 isibi uthando umakhelwane
Enimthanda ningambonanga, enithi ningamboni manje nikholwa nguye, nithokoza ngentokozo engakhulumekiyo netusekayo, namukela isigcino sokukholwa kwenu esiyinsindiso yemiphefumulo.
1 kaPetru 1:8-9 inkolo injabulo insindiso
Niphonse izinkathazo zenu zonke phezu kwakhe, ngokuba uyanikhathalela.
1 kaPetru 5:7 uvalo ukukhathazeka ubuthakathaka
Ukuhloba kwenu makungabi ngokungaphandle, okokwaluka izinwele, nokokufaka igolide, noma okokugqoka izingubo, kepha makube ngumuntu osithekileyo wenhliziyo ohloba ngokungabhubhiyo komoya omnene onokuthula, okuyigugu phambi kukaNkulunkulu.
1 kaPetru 3:3-4 ukuthobeka ubuhle inhliziyo
Kepha uNkulunkulu womusa wonke owanibizela enkazimulweni yakhe yaphakade ngoKristu, senihluphekile isikhashana, yena uqobo uyakuniphelelisa, aniqinise, aninike amandla, anisekele.
1 kaPetru 5:10 umusa ukuphila okungunaphakade inhlupheko
Okokugcina, manibe nhliziyonye nonke, nihawukelane, nithandane ngokwabazalwane, nibe nobubele nokuthobeka.
1 kaPetru 3:8 ukuthobeka umphakathi umakhelwane
Ngokuba osuka ethanda ukuphila
nokubona izinsuku ezinhle,
makanqande ulimi lwakhe kokubi,
nezindebe zakhe zingakhulumi inkohliso,
adede ebubini, enze okuhle,
afune ukuthula, akujonge.
1 kaPetru 3:10-11 uthando ukuthula ukuphila
Kodwa njengowanibizayo engcwele, manibe ngcwele nani ekuhambeni konke, ngokuba kulotshiwe ukuthi: “Manibe ngcwele, ngokuba mina ngingcwele.”
1 kaPetru 1:15-16 ubungcwele ukuphila ubizo
Yena owathwala izono zethu emzimbeni wakhe emthini, ukuze kuthi sesifile ezonweni siphile ekulungeni, oyena imivimbo yakhe naphulukiswa ngayo.
1 kaPetru 2:24 isibi ukulunga ukuphulukisa
Makabongwe uNkulunkulu uYise weNkosi yethu uJesu Kristu owabuye wasizala kabusha ngokwesihawu sakhe esikhulu ukuba sibe nethemba eliphilileyo ngokuvuka kukaJesu Kristu kwabafileyo.
1 kaPetru 1:3 ngiyethemba ukuvuka ukuzalwa kabusha